查看相片
科技雖然為我哋帶來方便，但其實都為我哋帶來更長嘅工作時間。外國就有研究顯示，45%美國人放工之後仲會check住公司email。話就話熄機咪唔駛煩囉，但係咪真係咁簡單呢？學老細心諗：「你咪試下熄機囉，熄咗機你就知……」唔係無代價㗎。
你幾耐無試過「真放工」？最近外國職場網站又有「真放工」3招，唔少人都當成金科玉律，不過小編就覺得今時今日已經無咩用啦：
1. 日曆提你放假
用日曆提你幾時要休息，幫手分割工作同私人時間，例如放假前set定電郵自動回覆，話畀人知你唔喺office，唔好expect你即時覆。呢個方法望上去好work，但實行起上嚟你會發現，最後老細急call，你又死死地氣收聽；日曆一早失去咗佢應有嘅功能，況且放假咁happy使乜人提？
2. 放工之後唔好覆無關重要嘅email
如果你啱啱做好份report返緊屋企或者出去relax下，點知有同事話第三頁有少少minor野想你改一改，咁你理唔理佢好？如果你慣咗無無聊聊嘅嘢都即時覆嘅話，咁只會令你自己收唔到工。呢招好重要，但可惜全港打工仔一早做壞手勢，一早返唔到轉頭﹗同埋你個位上一手做牛做馬，好自然你就要做牛做馬，仆倒去send呀﹗
3. 投入活動逼自己完全放工
香港人太清醒太盡責了，除非一醉解千愁，如果唔係，都好難唔記得今朝公司嗰條seafood。" data-reactid="34" style="margin: 0.8em 0px 0px;">最好一個遠離電話嘅方法就係搵樣自己好鍾意嘅活動去做！咁唔單止可以建立面對面嘅關係，仲可以幫你減壓同刺激思維。其實唔駛話咩好刺激嘅嘢，就算帶你嘅愛犬出去散步都得，只要唔需要運用電子器材嘅活動就可以。但香港人太清醒太盡責了，除非一醉解千愁，如果唔係，都好難唔記得今朝公司嗰條seafood。
仲有而家唔少管理層為求自保同顯示權威／填補空虛，隨時連去洗手間都要出封mass email，如果你遲遲唔覆mass email，遲早會被講是非呀﹗呢個世界「真放工」真係好難，自己執生啦。
查看相片
來源：themuse
