向來估佢唔到嘅林作趕及今年最後一日迎娶今年32歲裕美，據消息指，凌晨零時林作與裕美簽紙結婚，二人在林作位於半山麥當勞道寓所舉行婚禮，他們選擇在美國猶他州的網上登記註冊，並透過視像在海外律師見證下結成夫妻；現場只有十多位朋友、裕美媽媽及愛犬出席，未見一直反對林作與裕美拍拖的林作媽媽Lily現身。而今日林作在社交網上載一張穿西裝的單人相，令到傳言更疑幻似真。

林作就與裕美結婚一事回應：「我係同保險團隊呢幾日就開Party，玩吓嘢啫，有一個人認咗話借嚟爆吓料收錢，玩大咗，咪當做吓新聞好笑吓。（真定假？）結婚邊有得咁兒戲，傻傻哋，睇到啲相都知開緊Party玩緊嘢，做到好似好真咁，點知真係攞嚟講，啲人好相信就真，我明嘅，但冇就冇，講到咩律師見證，邊有得咁樣㗎。」