人稱「宇宙巨肺」嘅鄧紫棋（G.E.M.）近年集中喺內地發展，人氣一直高企，實力唱功更備受認同。而佢時隔八年終於喺香港再次舉行演唱會，而《I AM GLORIA》2025世界巡迴演唱會香港站頭場亦已經喺15日喺啟德主場館揭幕。近日有網民重提2012年G.E.M.曾力數叱咤頒獎禮，當時佢就批評頒獎禮文化，指唔清楚及好難捉摸準則，當時除咗一眾叱咤903 DJ都有反駁佢之外，仲有唔少同行回應，當中有人支持及反對佢嘅言論。

當時歌手藍奕邦亦有喺微博出PO串G.E.M.：「小妹妹，既然你覺得香港的頒獎禮比以往少了意義，你又何必勞思（師）動眾為你覺得沒有意義的東西拍一條如此good quality的短片呢？口說不在意，難道心底還在意？GEM，你很幸福，有很多歌迷，也很有才華，若你的音樂真夠good quality，自然會超越制度吧！用花來拍片的時間寫多一首歌吧！還有，切記兩字：謙虛。」、「還有，藍uncle等了八年才得到他們的第一隻冠軍歌。我也是默默耕耘，毫無怨言。你認同嗎，做音樂，就是for your own satisfaction and for your fans，既然你都知道網絡可凌駕有媒體直達群眾，就專心做好自己吧！噢！你記得人家08年給過你生力軍獎嗎？記住：感恩！飲水思源！」

去到近日，藍奕邦再次喺私人Facebook帳戶出PO話：「由今年年頭開始，當而家開緊啟德嘅宇宙巨星開始放風會大駕光臨返落嚟香港呢個小漁村開演唱會時，我threads已經開始經常見到幫佢洗白嘅post，當然少不了攞返我十X幾年前對佢講過嘅嘢嚟鞭我屍。來來去去個point都係：你趕人走呀，人哋而家幾叻幾勁幾紅，全球演唱會收入第四呀，真係衝出國際香港之光呀，你藍奕邦你睇吓你幾失敗呀，你相比下咩都唔係呀，人哋咁勁唔知你又點睇呢藍uncle，如此類推⋯」

之後，藍奕邦認為係一個有組織性嘅洗白工程：「一直我都冇回應過一句，因為我知係有組織性嘅洗白工程，我回一隻字都係益咗佢俾佢再大早文章見到報。呢幾日佢終於開佢嗰個蝕死班黃牛、要關愛隊派飛嘅演唱會，當然我threads又再度熱鬧起嚟啦。一班XX又衝出嚟tag我，話人哋幾勁開啟德你而家都冇人聽你等等......」及指自己比G.E.M.有骨氣、尊嚴及品味：「我冇放棄香港人同香港市場上大陸賺人仔，我冇表忠愛國又冇寫公開信支持689，我冇靠翻唱歌做代表作，我嘅主要客唔係班低端big 6 X，已經係完！勝！！！你可以有錢有地位，但我更可以有骨氣、尊嚴同品味。你係唱得好勁好有實力呀，但你cheap。我亦絕對冇後悔當年XX呢個細細個已寸XX，無禮貌目中無人，而家就窮得只有錢、insecure到要搵打手用陳年新聞搞我嘅巨星。」

最後藍奕邦仲話預咗比人截圖：「我預咗有人又會cap我私人fb架喇。你要做呢啲低質嘢，我阻止唔到你，但希望你都覺得自己好醜。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！