【on.cc東網專訊】憑《我的少女時代》爆紅嘅台灣女星宋芸樺，日前出席活動透露將於7月去美國進修表演嘅佢，雖然歸期未定，但亦大方透露男友將會同行做「書僮」，至於被問道會唔會喺當地登記結婚，佢則笑道：「那是要喝多醉？」
宋芸樺表示出國進修一事，係佢考慮咗成10年先決定嘅計劃：「沒有買回程機票。第一次讓自己沒有太多計劃的去旅行，想脫離舒適圈，找一些表演工坊上課。」並透露喺加州有唔少親友，所以會希望喺加州落腳嘅同時，亦想去紐約搵曾經合作過嘅導演及表演朋友相聚。
【更多影劇新聞詳情請上東網新聞】
