【星島日報報道】金句王黎明向來不會令人失望，今日以大使身份為《香港影視娛樂博覽》主持開幕禮，妙語連珠的大唱反調和玩踢爆，今次的首位金句是「唔好有人唔做，做蜜蜂」！
黎明現身吸引了過百粉絲到場，當司儀方健儀向黎明請教，其臉書如何於建立1年左右已吸納了33萬粉絲達神級的方法？黎明回答：「正常人啫，好坦白講，如果我係神級就唔會坐嚮度，做乜仲來參加影視娛樂博覽，因為我係其中一份子，仲係勞動階層，係香港一個勞動級人民，我承認我仲要不停做野。臉書嘅見仁見智，每個人都有唔同際遇，每年宣傳《影視娛樂博覽》都好痛苦，正如我本身係歌手、又拍電影，但好多人做得好過我，可能我排到包尾，所以每年宣傳、大家都好辛苦，唔係宣傳就可以得到觀眾垂青。」
他舉例著方健儀說出今年口號「全城投入，全情支持」，黎明老實不客氣說：「在我個人而言係好老土！我初出道時，參加公益金和歡樂滿東華就用這些做字眼。」原本方健儀想耍圓場稱這些字眼是永恆，黎明卻斬釘切鐵道：「唔係！如果永恆就唔使叫全城支持，如果最後做唔到亦喪失永恆的意義，所以點解我們要創新！」聽到方健儀指所以大會安排黎明拍一段急口令宣傳，黎明又否認道：「唔關事！係最緊要有大家的支持。」繼而方健儀稱讚黎明這年成績非常好，黎明再斬釘切鐵否認：「唔好！」解釋還想有想進步空間！
最搞笑是方健儀指黎明早前以企鵝做演唱會的Icon，要求他以一種動物形容今個活動；唱完一輪反調的黎明索性踢爆說：「我一定要分享，呢個係大會指定嘅稿，指定要我揀蜜蜂，企鵝我只需向自己觀眾交代，但我無可能改變整成個行業（娛樂博覽），我們始終係人類，無理由有人不做，做蜜蜂！」（攝影：鄧國良）
