Deep冧掂Sherman求婚得咗
【太陽報專訊】吳浩康（Deep）、陳家樂與洪卓立（Ken）日前化身「酒鬼」大鬧紙紮舖，三子笑言百無禁忌！而屢傳婚訊的Deep自爆已向女友鍾舒漫成功求婚！
型男Deep、陳家樂和洪卓立日前現身中環拍攝英皇新片《三條友飲醉走》，三子奉旨醉酒鬧事，並百無禁忌玩轉紙紮舖，又操多國語言叫囂，場面搞笑！他們指新片中有不少醉酒戲，為演得逼真又投入，不時「飲少少」入戲。
與女友鍾舒漫（Sherman）屢傳婚訊的Deep，竟「酒後吐真言」大方承認成功求婚，但未有透露詳情：「唔想講太多，因為婚期最快都要明年或後年，如果一切確定會同大家公布。」記者向Sherman送上恭賀，她透露曾向男友表示願意再進一步，期待一切確定後向大家報喜。
Ken暗戀湯怡呻棘手
而與女友湯怡齊齊演出的Ken，指二人對戲令他大感棘手：「戲裏面係我暗戀佢，但因為我哋太熟，依家要扮唔熟，都幾困難！」Ken更分享「斷片」經歷，笑言失禮同學仔：「18歲嗰時同班朋友飲到斷片，事後講番先知當時旁邊坐咗一枱有背景人士，好擔心我搞到佢哋！我仲一句肚痛就衝入廁所，但冇閂門，講番起都失禮！」家樂仔則透露曾因醉酒而嚇怕偶像張家輝，認真尷尬！
