世冠盃｜史東斯親口駁斥離隊傳聞：我想留曼城

曼城後衛史東斯（John Stones）親自發聲駁斥離開曼城的傳聞，強調自己想繼續留隊，雖然連串傷患曾令他陷入「黑暗時期」，一度懷疑是否應該繼續踢落去。

現年31歲的史東斯，在2024-25球季再度受傷患困擾，整季各項賽事僅踢了1,134分鐘，英超正選亦只有6場。這位2016年夏天加盟的中堅，自加盟藍月以來，單季英超最多亦只曾在首季錄得23場正選，從未打破這紀錄。

在週日世冠盃分組賽次戰對前，曼城主帥哥迪奧拿（Pep Guardiola）再度強調不想要「太長的名單」，即希望縮減人數。由於史東斯的傷患紀錄頗多，而他明年夏天合約屆滿，因此外界一度猜測他是被清洗對象。

不過史東斯正面回應：「我想留喺度，我好愛曼城。我留低是為了幫助球隊，我唔知外面傳咩，但我希望呢番話可以澄清一切。」

他坦言曾想過是否要放棄踢波：「確實有時候你會咁諗，我已經付出咁多努力，將成個人生貢獻出嚟，無論場內場外都盡力為了上陣做好準備。」

史東斯未能在世冠盃對阿恩時復出：「我好想快些重新開始。受傷時候最辛苦，你往往要做更多、練得更耐，心理上同身體上都係挑戰。我知道對其他隊友嚟講，呢個賽季真係好長，對我就係要同傷患同康復過程搏鬥。」

對於為何自己傷患接二連三，史東斯也感無奈：「我唔知原因，已經同醫療團隊、運動科學部門坐低研究，有時真係無得解釋。根據專家講，我有啲傷係非常罕見，有時我都會問：點解會係我？但都要接受現實，繼續向前行，隨住身體變化去調整。」

「我已經復操好幾個星期，感覺好好，隨時可以ready。」