Kayan9896吳家忻與薛芷倫長子Justin戀情曝光 舊愛Locker被傳與女團成員蜜運中
【19:50 更新報道】
現年25歲嘅Kayan9896（吳家忻）因參與YouTube頻道「試當真」而爆紅，除咗成為時尚品牌新寵兒之外，更以歌手身份進軍樂壇。佢自從與Locker（林家熙）分手後，一直未有公開感情狀況。直至近日，佢被網民喺銅鑼灣野生捕獲，疑似將新戀情曝光！到咗周二（5 日）佢出席品牌活動，期間已經認咗同薛芷倫大仔馬桂烽（Justin）拍拖半年。同時，佢嘅舊愛Locker亦被傳蜜運中。
近日，Kayan9896被網民喺銅鑼灣時代廣場野生捕獲，當時佢同一名男子正在乘搭扶手電梯，而Kayan9896輕輕拍男方脊椎，有指男方係大生地產發展主席及行政總裁馬清偉與「Ball后」薛芷倫所生的大仔馬桂烽（Justin）。Justin曾與黃心穎胞姊黃心美相戀，之後分手。
Kayan9896疑似與富三代Justin嘅戀情曝光；同時佢嘅舊愛Locker亦被傳蜜運中，而佢嘅對象就被指係女團COLLAR人氣成員Marf(邱彥筒)。有報道指Locker與kayan9896分手後，便與Marf秘戀，地下情至今已經接近一年。為咗保護愛苗，二人平時都會非常小心，例如唔會喺社交網站上載身處同場嘅照片。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
