麥明詩盛勁為公開甜蜜婚照 舊愛林作上載與裕美婚紗相 網民：吃不到的葡萄

現年32歲嘅「十優港姐」麥明詩（Louisa）與機師男友盛勁為拍拖3年多，今年1月底二人宣布婚訊，並在社交平台公開求婚相片及影片，而婚禮就將於3月底舉行。近日麥明詩喺社交網站上載兩張靚靚婚紗相，得到唔少藝人及網民嘅祝福，不過同時就好似觸碰到其舊愛「抽水王」林作嘅神經，同樣喺社交網站上載與裕美影嘅婚紗照片。

有指麥明詩及盛勁為近日忙於四出派喜餅，而婚禮「勁甜麥」就將於3月底於喺吉列島遊艇會舉行。近日（9日）麥明詩喺社交網站上載兩張靚靚婚紗相，與網民分享喜悅，得到唔少藝人及網民嘅祝福。不過就好似再一次觸碰到其舊愛「抽水王」林作嘅神經，喺前日（10日），佢喺社交網站上載與裕美影嘅婚紗照片，林作著上黑色西裝及手持一束白色鮮花，而女友裕美穿紅色平口露背晚裝，手持一束粉紅色鮮花，同樣寫：「點解咁凍叫我影啲咁嘅嘢！」 。

呢個PO一出，隨即引起網民熱烈討論，有網民八卦問佢係唔係結婚，亦有網民認為佢葡萄，留言話：「新郎不是你 酸，人地勁好多」、「因為新郎 不是你」及「吃不到的葡萄」等等。有傳媒查詢林作係唔係結婚，佢就以短訊回覆話暫時不作回應。