東張西望︳何太否認做過骨妹 何伯確認「一晚五次」︰真架!

熱度0票  瀏覽0次 時間:2024年5月29日 17:27

因為搵《東張西望》追討被細女從聯名戶口提取嘅450萬,何伯同新何太一夜間成為新聞人物,甚至有網民開設facebook討論群組,至今有近10萬人加入。新何太早前喺個人仕交帳戶開直播,大批網民食住花生睇,新何太仲大爆何伯「一晚五次」,暗示76歲老公「性能強勁」。

新何太同何伯喺直播時咀嘴,仲大爆老公「一晚5次」!
新何太同何伯喺直播時咀嘴,仲大爆老公「一晚5次」!

何伯同新何太尋晚強勢重返《東張》,回應幾項傳聞,而何伯同新何太同場加映恩愛放閃,何伯攬實新何太仲又揸又捋手臂,真係冤氣。新何太解釋直播時講「夫妻生活」,係因為當時有網民留言問佢地閨房事,佢先會衝口而出回應,並向網民道歉。「我知道夫妻生活啲事係唔應該喺公眾地方講出嚟,所以如果廣大觀眾,聽到有啲唔舒服嘅情況下,我都可以道歉嘅」。不過何伯似乎好buy老婆嘅「衝口而出」,強調「真係實際,佢冇講大話,真㗎」。二人直播時仲咀嘴到啜啜聲,何伯直言唔尷尬。「咁即係證明係真愛。做唔到即係唔係真愛啦!」但係佢地似乎知道見好就收,話即使再有網民要求都唔會當眾展示恩愛。

何伯 何太
何伯 何太
何伯 何太
何伯 何太
何伯 何太
何伯 何太
新何太喺《東張》解釋點解社交平台帳號叫「千語BB生活錄語」
新何太喺《東張》解釋點解社交平台帳號叫「千語BB生活錄語」

新何太開直播,少因為社交平台帳號被網民搵到,佢喺《東張》解釋點解帳號叫「千語BB生活錄語」,佢話自己係林峯fans,亦鍾意林峯「女朋友」吳千語,而且覺得個名好可愛。有網民批評何太拍嘅片幾乎條條都講錢甚至教人「釣金龜」,新何太話「有啲女人好善良好忠直,畀啲『騙子男』呃過,所以我有啲提醒,提醒畀啲受害嘅善良人聽一聽」。新何太表明而家唔會揀個窮光蛋,由此透露上一段婚姻失敗嘅經歷。

新何太講起上段婚姻仲係喊晒口
新何太講起上段婚姻仲係喊晒口

新何太話前夫都係姓何,同樣比佢大好多年,由此解釋到點解揀何伯。「我同我前夫年齡差22歲,咁而家呢個老公差30歲多啲,所以年齡唔係我考慮嘅因素」。何太話對前夫付出真心,但係溝通唔到,甚示不停被對方家暴同咒罵,令佢感到生不如死,甚至因此患上抑鬱症仲想做傻事。新何太起初因為個仔而堅持,但到離婚一刻覺得好開心,因為終於脫離苦海。

何伯 何太
何伯 何太

新何太對婚姻自此有陰影,訪問途中仲突然激動落淚,好在有何伯氹返。前夫經濟條件唔多好,何太話願意捱,但而家成為新何太之後就話唔係好信有情飲水飽呢回事。何伯亦借勢搞gag氹太太「有情梗係飲水飽啦,睇吓嗰啲咩水嚟咋嘛!(咩水呀?)梗係靚嗰啲水啦,礦泉水!唔通飲生水、水喉水咩?」,何太當堂開心返。即使新何太對愛情改觀,何伯就相信太太唔會離開佢。「佢唔會釣金龜囉!如果佢釣金龜,而家我冇晒錢,佢仲唔走?」。

有網民指何太曾在東莞做「骨妹」,何太予以否認
有網民指何太曾在東莞做「骨妹」,何太予以否認

何太成名後,有網民指何太曾在東莞做「骨妹」,並以藝名「小燕」搵食,同過唔少男士有過「親密關係」,又指佢做過夜場「媽咪」,更貼出一張何太年青時做「骨妹」嘅照片。節目中,何太與何伯睇「小燕」,何太否認曾做「骨妹」,以前只係去過餐廳打工,仲話自己冇相中人咁靚。何伯亦明言相中人絕對唔係何太,因為何太冇咁大……個咀。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

頂:0 踩:0
對本文中的事件或人物打分:
當前平均分:0 (0次打分)
對本篇資訊內容的質量打分:
當前平均分:0 (0次打分)
上一篇 下一篇