阿仙奴大勝｜懷斯打破職業生涯紀錄 勁射罰球破網 仲要一不離二

英格蘭中場懷斯（Declan Rice）職業生涯頭 338 場比賽，從未射入過罰球，去到歐聯8強首回合大戰皇馬，亦即第 339 場終於打破紀錄，仲要一不離二，一入就兩球。

在周二阿仙奴於歐聯八強首回合於酋長球場以 3:0 大勝皇家馬德里之前，懷斯整個職業生涯總共只主射過 12 次罰球。

佢賽後接受 Amazon Prime 訪問時話：「其實我一直有罰球能力，只係之前太多次射中人牆或者射高出界。」

就第一個罰球，「原本我哋打算開波傳中，但我望到人牆同門將企位之後就改變主意，決定直接射門。沙卡同我講：『跟住感覺走（Just feel it）』。第二球我就更有信心，一射就入。」事實上，可能皇馬都睇少碗飯，只係得幾個人做人牆。

「到第二球我就更有信心，一射就入。」

「嗰個位傳中唔合理，人牆太高，吊波太冒險⋯⋯我望住人牆同龍門，心諗：『我要射啦。』」

佢又補充：「依家我仲未完全感受到呢兩球入波有幾特別，因為仲有次回合未踢。但幾年後我回望今晚，肯定會覺得係生涯一個好重要時刻。」

阿仙奴由美連奴（Mikel Merino）射入第三球，帶住巨大優勢備戰下星期作客班拿貝球場的次回合。

懷斯最後話：「我哋要準備好下星期，班拿貝係一個好特別嘅地方，我哋要作出最充分準備。」