自爆放下感情事 袁嘉敏全裸大解放
擁有34D噴血上圍的女星 袁嘉敏 （Candy）去年與有米意大利藉男友分手後，感情似乎一直未有着落，而依家就主力留在內地發展。言行一向大膽的Candy可能怕香港朋友太掛住佢，今日突然在社交網站宣布自己再次回復單身，另外附上三張近照，其中一張更是在浴室拍的疑似全裸照… 不過佢當然遮掩重要部位啦！究竟佢受咁咩刺激？
延伸閱讀：
久未有在港露面的Candy今日在社交網站留下感言：「一月份沒有更新消息，收到大家關心的留言！我沒有事，也到了武漢和潮陽演出，只是因感情事非常糾結，天蠍座便是這樣，自己糾結，感情太強烈，2017的頭三個星期就這樣一團氣悶在心裏，想來想去，苦惱中匆匆過去⋯決定放下這段感情事，不再浪費時間，農曆新年快到了，以這個新年開始，樂觀地重新出發！」
另外又上載三張近照，其中兩張見到Candy身穿火紅色Deep V裝，晒出長長事業線，非常誘人。不過最後一張先最爆！係一張疑似在浴室影的自拍全裸照，豐滿雙峰盡現人前，但Candy當然有用手遮掩重要部位啦！做咩事要咁樣益街坊？似乎圖文不符喎？
Candy接受訪問回應：「Just means “take a bath starting fresh」，表示日前放下了一段拖拉近年半的感情，新一年沖完涼後重新出發！佢話呢位前男友係個有知名度的人，不過既然之前冇公開，依家分手後都希望繼續低調。原來係想話俾大家知自己回復單身，放下感情事重新出發！呢個晒裸照方式又幾新穎喎……
延伸閱讀：
