網民熱話：例牌要讓座？腳傷少女發文怒斥3老反智

【on.cc東網專訊】讓座問題近年經常引起爭議，不少公共交通工具的車廂內，亦會有「請讓座給有需要人士」的標語或廣播，但究竟哪些人才算是「有需要人士」呢？日前，又再有網民在社交平台分享自己遇上的不平事。她在乘搭港鐵時，被站在身旁的長者冷嘲熱諷不讓座。最後她只做了一個動作，便令那些長者「敗退」。

昨日（4日）下午5時左右，網民Mei Yi Lo在Facebook群組「巴打絲打 Facebook Club」中上載一張左腿擦傷的照片，並謂較早前搭港鐵期間，坐在一個並非關愛座的普通座位，身旁3位阿伯冷言冷語出言譏諷：「後生唔讓座」、「掛住撳手機」。直到她指住傷口反唇相譏，3位阿伯才一臉尷尬地說：「乜你咁傷呀！」她在留言中質問：「香港幾時變到咁反智？以後30歲以下嘅人，使唔使掛個牌寫明自己咩事先可以搵個位坐？」

Mei Yi Lo向東網記者表示，前日深夜駕駛電單車時發生了小意外，翌日早上又趕住出門辦事，未能及時處理傷口。她指，未知是否自己的背囊遮住了傷口，所以3位阿伯才會指摘她未有讓座。

不少網民同情她的經歷，並表示感同身受：「我試過大住肚坐都畀人話我唔讓座」、「之前打波拗柴又着長褲返工嘅我，見到關愛座都只敢望住兩個吉嘅座位，都唔敢坐落去。」亦有網友反思「讓座」的概念：「唔通返工返到累都要周圍同人講？累就要坐，讓座文化是應該發自內心自願，而唔係強迫。」

網民有話說

Elyse Ho ：講得好，希望佢哋反省吓，唔好吓吓諗自己！

Katy Ng： 就算有冇受傷都好，對方又唔係老弱傷殘，點解一定要讓？樓主take care！

SiuLing Cheung：樓主好慘，香港真係好多恃老賣老嘅阿伯，好乞人憎。

Nikki Pico Alexander： 唔好話你傷到咁，你經痛都想坐，你胃痛都係想坐，你放工攰都會想坐啦。

※緊貼網民熱話，掌握最熱話題，請關注網民熱話fb：

http://on.fb.me/1L3m1ro