透過參加ViuTV《全民造星III》入行嘅雲浩影（Cloud）甜美長相與歌聲深受愛戴，被網民封為新一代「仙氣女神」。雲浩影即將於8月假旺角麥花臣舉行個唱，為出道3年來首個個人演唱會，近來嘅佢就積極準備，不過亦忙裡偷閒，趁空檔時外遊放鬆一下，並於社交平台大曬水着照福利。

雲浩影分享喺泳池的水着照及敷黑色面膜嘅自拍照，寫道：「準備演唱會，練練肺活量，敷一敷mask！」雖然有大半個身都浸晒落泳池，但仍露出白滑美背與香肩，唔少網民留言激讚雲浩影美得令人溶化：「要睇全身」、「仙氣 我真係見到仙氣！」、「靚到咁！有冇諗過我哋感受？」、「這就是仙氣」！」、「你就練肺，但好多人已經唞唔到氣！」等等。

有網民懷疑雲浩影嘅靚相係出自音樂人男友T-Ma（馬敬恆）之手，T-Ma於本月初獲邀出席喺沙地阿拉伯Riyadh Boulevard City舉行嘅電競活動「Esports World Cup 」，估計雲浩影與T-Ma於活動後享受二人世界。雲浩影所身處嘅酒店位於沙地阿拉伯西北部AlUla嘅Banyan Tree AlUla，酒店設計靈感源自納巴泰建築，以47 間帳篷式別墅及建於天然砂岩之間嘅岩石泳池（Rock Pool）聞名，另外提供泰式按摩和正宗泰國菜美食，房價則因應房型與季節而定，最頂級三房帶泳池別墅本月一晚價格大約為SAR 6,000起（約HKD 12,500起），相當奢華。