宏福苑居民回家｜有居民稱單位外不能拍攝 「每步都有人跟住、門口好多民安隊」
大埔宏福苑受災居民陸續上樓執拾物品，今日（20 日）首批開放宏新閣。有居民上樓後，取回結婚證書等珍貴物件，形容大廈樓梯被燒至「黑晒」，又稱只有拍攝自己家中情況，「出面（單位外）佢講咗唔畀影」。
另一位上樓的居民親屬形容今日整體安排「OK」，「行每一步都有人跟住⋯⋯門口好多民安隊」。
「樓梯黑晒、窗都燒爛晒」
50 多歲的鍾生，一家三口居於宏新閣兩年，其愛貓則已逝於火海，周一與家人一同上樓收拾物品。他說今天上樓的都是低層住戶，包括自己，上樓約需 7 分鐘，收拾則歷時約 2 小時。步入大廈後要走樓梯，他描述現場「樓梯黑晒囉⋯⋯啲窗已經都燒爛晒」。他又說樓梯已打掃乾淨，欄桿算「實淨」，「扶住啲欄桿都仲行到」。
入屋之後，他說覺得與政府提供的照片相若，「同想像中差唔多，因為我屋企比較好彩，就無乜燒到」，但他說屋外「薰黑晒」。他又稱只有拍攝自己家內情況，「出面（單位外）佢講咗唔畀影」。
衞生方面，他說「比想像中好嘅，因為以為會好臭，好多蟲呀，但係其實衞生問題唔算好嚴重，無乜蟲囉，有一兩隻囉。臭就無⋯⋯不過就好熱囉裡面係」。他認為 3 小時對自己來說足夠，因為其單位受損情況不算嚴重，但鄰居單位「全部都係灰、瓦礫」，收拾時間或許不夠。
取回結婚證書
擔心樓價升難尋單位
鍾說今次上樓，自己最想拿回電腦，因內有照片等，並一度向記者展示取回的電腦，又說「搵得返」結婚證書，以及家中的掛畫。不過屋內有許多「石屎水」，因此電器例如遊戲機、電視，「都已經有啲石屎水之類，你都用唔返啦」，因此帶不走。
他又說「而家面對第二個問題⋯⋯最主要係以後生活點囉，而家攞返晒啲嘢，都唔知啲嘢擺喺邊」。
對於今後生活，鍾說正擔心居住問題，指「呢排樓價升得好緊要，我諗都未必負擔得到再買過間」。他希望政府可以幫補，指獲賠的樓價只夠買樓，「裝修嗰啲，我哋都無錢喇。而家都⋯⋯真係好擔心呀真係都。我哋日日，其實我哋好多街坊都睇住⋯⋯」他又提及，政府 2 月提出的 8,000 元收購呎價，與現時樓價已有距離，故感到惆悵。至於「樓換樓」，他說是「可能放最後先」的選項。
周女士：行每一步都有人跟住
另一名宏福苑居民親戚周女士，在離開宏福苑後接受傳媒訪問，指在單位中取回一些文件，以及小孩小時候的照片。因為單位屬低層，燒毁情況嚴重，其中客廳、廁所情況較嚴重，「雪櫃成個空晒，所有嘢無得剩，搵到相簿就已經好好」。她指執拾時間尚算足夠，心情還好，將來尚要再上樓一次，處理單位內的保險箱。
周女士又形容，今次安排「OK」，「行每一步都有人跟住，入到入面就自己執嘢，門口好多民安隊」。
