少林足球二師兄莫美林近照曝光 地中海變光頭 背景超厲害？

周星馳電影《少林足球》經典場面和對白多不勝數，「二師兄」莫美林除咗「點解我老豆唔係李嘉誠？」、「點解我生得咁靚仔，但係要甩頭髮？」等對白和用湯瑪斯迴旋踢波深入民心，其地中海髮型亦成記憶點。近日，莫美林有份主演嘅內地懸疑動作網絡電影《極海迷窟》上映，五官輪廓絲毫無太大變化，不過就由地中海變成光頭。

莫美林8歲加入廣西體操隊，90年被選入體操國家隊，為李寧師弟，曾做過體操老師，最後經朋友介紹入行。由於識得湯瑪斯迴旋，因而喺一次機會下，被劉家榮師傅介紹佢去見周星馳，並喺佢面前做咗幾組湯瑪斯迴旋，成功被周星馳睇中加入《少林足球》，喺電影中亦親身上陣於沙地狂操湯瑪斯迴旋。