陪審員逼上班 官斥陳漢儀若普通僱主已被控
【on.cc東網專訊】前特首曾蔭權爵士涉嫌於在任期間，收受深圳東海花園豪宅單位價值300萬港元豪華裝修，被控一項行政長官接受利益罪，案件今(16日)在高院原訟庭續審。其中一名任護士的陪審員向法庭表示，其僱主要求他在聆訊期間，上庭審理案件後須繼續工作，衞生署署長陳漢儀下午出庭解釋，並向法庭道歉。
陪審團組成之初，涉事陪審員已經寫字條給法庭，稱其僱主要求他周六上班，法官與控辯雙方商討過後，認為簡單的處理方法是回答：不用，而數日後全體陪審團要求法庭出信說明情況，法庭亦照做。
上周五(13日)散庭之後，法庭收到一封以陳漢儀署名的傳真，內容大概是「我們不會反對讓該名陪審員履行陪審員職務」，陳慶偉日遂問陳漢儀：「你睇唔睇到有乜唔妥呀？」 陳漢儀回應：「我今朝先睇到封信...我哋係唔可以反對的」。陳官即說：「係囉，唔係你哋畀個方便個法庭呀，陪審團幾時都係每個巿民嘅首要公民責任嚟啊」。
陳官又指，根據《陪審團條例》第33條稱「全港得一個僱主可獲豁免㗎咋，你知唔知係邊個呀？香港政府呀！因為冇可係香港政府告香港政府吖嘛。如果係普通僱主，你已經有可能被起訴，最高刑罰係監禁3個月及罰款2.5萬港元啊。」
