「粗口港姐」梁允瑜大玩你問我答 爆出港姐內幕及佳麗討厭行為

熱度4票  瀏覽2次 時間:2021年9月03日 04:21

「粗口港姐」梁允瑜大玩你問我答 爆出港姐內幕及佳麗討厭行為

·3 分鐘文章
梁允瑜
梁允瑜

《2021年香港小姐競選》早前已經選出12強佳麗,而總決賽將於本月12日舉行。賽前被視為大熱嘅1號梁允瑜(Chloe),爆粗片流出後被封為「粗口港姐」,喺比賽當晚大熱倒灶,更於首輪率先被淘汰。喺賽後,梁允瑜相信係受負面新聞影響而被淘汰,仲話賽制唔適合佢。日前Chloe喺IG與網民互動,大玩「你問我答」,當中仲爆出港姐嘅內幕。

梁允瑜喺IG與網民玩「你問我答」,唔少網民都好關心佢,紛紛問佢落選後嘅心情,而佢就回答話:「很人問我現在的心情,多謝你們關心!那當然比賽輸了,會有不開心的情緒,哭也哭過了,覺得令家人朋友所有支持我的人失望了,自己也是準備了很久,付出了很多努力。現在還是頹頹地的狀態,還在沉澱,付出了努力也不代表會有收穫,但至少我嘗試努力過吧!完成了自己想做的其中一件事,不過我相信destiny的,命運一早安排了所有,現在看起來的失敗,或許若干年後我想起來會覺得是幸運。」

仲有網民問佢而家仲鍾唔鍾意講粗口,梁允瑜就指粗口係廣東話文化之一,回答話:「我講過啦!粗口係香港廣東話文化之一,我係土生土長香港人,當然會認識粗口,冇話鍾唔鍾意粗口。我仍然會講粗口,只係適當的時候講適當的說話,私人時間面對朋友 me time,難道唔可以做番(返)自己,有很多語言「偽術」,有很多說話比粗口更加難聽。」

另外,大家關心嘅一定係佢參選港姐期間嘅事,所以有網民就問佢「港姐有冇小圈子」,梁允瑜就直言話有小圈子:「那麼多女生的地方說沒有小圈子也是騙你的,那每個人也有權力選擇和甚麼人做朋友,港姐當中我也會和幾個女生特別友好,我相信有緣才會走在一起。」

除此之外,亦有網民問佢「會唔會有唔鍾意嘅佳麗」、「參加當中有冇啲女仔行為特別乞人憎」及「佳麗當中有沒有一些行為令你很討厭」,梁允瑜雖然冇指名道姓,不過就好直率咁話當然有,並列出一些佳麗們令佢討厭嘅行為:「坦白說,那當然會有,但是我覺得「啱傾咪傾,唔啱傾咪唔傾」,我也不會去特別去討好任何人。要說行為的話,我比較討厭別人虛偽和雙面人的性格,鏡頭前一個樣子,鏡頭後另一個樣子,或是在鏡頭面前很喜歡搶說話,或是在有鏡頭的時候便淚腺特別發達地哭。喔!還有就是拍攝的時候搶中間位,說一些藉口叫人讓中間位給她,例如自己太肥了,在中間比較顯瘦,或是跟人說她左邊面比較好看,叫人讓左邊位置給她。我也很欣賞別人那麼厚面皮,我也當笑話來看,自己真的做不到。」

最後,亦有網民認為敢言嘅佢非常適合去ViuTV發展,梁允瑜就表示多謝大家嘅建議,並話:「娛樂圈機會很被動,不是我想就能入去,看命運的造化吧!」

梁允瑜
梁允瑜
梁允瑜
梁允瑜
梁允瑜
梁允瑜
梁允瑜
梁允瑜
梁允瑜
梁允瑜

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

頂:1 踩:0
對本文中的事件或人物打分:
當前平均分:1 (1次打分)
對本篇資訊內容的質量打分:
當前平均分:5 (1次打分)
上一篇 下一篇