43歲胡定欣元宵節上載與醫美男友合照放閃 傳靠洪永城介紹認識撻著

現年43歲嘅胡定欣，入行超過20年，感情生活唔算豐富，自從2016年與音樂人陳明道分開後，便一直維持單身狀態。單身8年嘅佢喺上年承認脫單，不過就未有公開男友身份，強調唔係因為結婚與否，只係想俾空間自己去好好經營感情。直至日前，有報道指佢男友家境不俗，係一位年輕有為嘅醫美醫生，係公認嘅鑽石級筍盤。去到今日（12日），佢藉住元宵佳節公佈戀情，喺社交網站公開與男友嘅合照，真係恭喜晒呀！

有報道指胡定欣與醫美男友係透過洪永城認識，所以四人不時「Double Dating」。近日，胡定欣與洪永城夫婦前往日本二世古滑雪，而喺今日就無預警喺社交網站上載二人喺雪地嘅合照，並留言寫上：「親愛的，元宵節快樂!~