宏道閣低層住戶李小姐（化名）周三（27 日）上樓發現，枱面滿佈煙盒、汽水罐、魚仔餅及魚肉腸等零食包裝紙，因忙於執拾未有即時報警。她強調，4 月底首次上樓沒有進食，離開時只留下水樽、濕紙巾在枱面，「成件事越諗越荒謬，點解可以有外人入去進食？」
李小姐說：「我真係完全接受唔到，點解可以有人喺我屋企當自己屋企咁樣開餐，明知道宏福苑係被火燒啦，都仲可以喺人哋屋企嘆返兩包煙。」
警方回覆《法庭線》查詢指，未有接獲有關住戶報案紀錄，「居民如有進一步資料提供或需要警方協助，可與警方聯絡。」
枱面留煙盒、零食包裝紙
住在宏道閣低層的李小姐（化名）周三與父親再上樓執拾，指入屋準備鋪枱布時，發現枱面佈滿垃圾，包括兩包煙盒、芬達汽水罐、魚仔餅及魚肉腸等零食包裝紙，已即時大聲表示「有冇搞錯，點解可以喺度食嘢」，以及拍照為證。同行的社工見狀亦指「真係幾過份，咁多嘢食喺度嘅」，李小姐遂要求社工包起垃圾放在廚房門口。
她表示，4 月底第一次上樓時，沒有進食或吸煙，離開時枱面只留下民政署提供的水、濕紙巾，亦見到警察在門口「封膠紙打交叉」。
李小姐指，昨日天氣炎熱、翳焗，只想盡快完成執拾，加上屋內多雜物、要看顧父親，故未即時考慮報警或向社工反映。至晚上打點好一切後，「成件事越諗越荒謬，點解可以有外人入去進食？」
她指，第一次上樓匆忙，「水都唔得閒飲啖，邊度得閒可以食嘢，仲有出面有警察同埋民安隊喺度，冇可能有人喺單位裡面食煙」。她指，擔心報案最後都是不了了之，因此未有報案。
質疑「開完餐拍拍籮柚走」
李小姐續指，「如果警方係有需要出入屋檢查一下，我都還可以接受」，但無法接受有其他人入屋，「點解可以有人喺我屋企當自己屋企咁樣開餐，明知道宏福苑係被火燒啦，都仲可以喺人哋屋企嘆返兩包煙。」
她說：「覺得佢哋好似覺得我哋唔爭在，反正間屋都亂成咁，喺度開完餐拍拍籮柚走，都覺得我哋冇問題唔介意。」
