【Now Sports】於開咧戰重創的阿士東維拉守將明斯，潛藏多時後於周二在社交網絡發放短片，感謝一眾球迷，包括來自香港的小女孩。阿士東維拉後衛明斯（Tyrone Mings）透過社交網絡發放的片段，感謝養傷期間來自世界各地球迷的慰問，他在片中說：「感激所有慰問咭、禮物、留言，一切都幫助我走過這個階段。」

他在短片中展示部份球迷的留言，包括一名香港小女球迷當日送呈的post。原來這位小女孩正是香港維拉球迷會主席Kidd的女兒Claret。

「其實佢之前重傷過一次，所以俾人感覺特別down，佢將所有社交網絡嘅post全部delete晒，消失咗三個月。噚日佢出post話會update近況，大家都擔心以為佢宣佈掛靴，依家大家都開心番。」Kidd向sports.now.com表示鬆一口氣。

Kidd續說：「佢喺片中有多謝阿女。事緣當日見到佢咁down，阿女就拍段片講句嘢畀明斯聽，希望佢振作。問心，估唔到佢會睇，尤其受重傷未必有心機睇社交網絡留言；估唔到佢仲放喺段片多謝我哋，抵我同囡囡都咁鍾意佢。」

明斯於2020年加盟維拉，一直是球隊後防重心，而他是英格蘭國腳，迄今累積18頂喼帽。他於開咧戰對紐卡素觸傷膝部十字韌帶，預計今季難望復出。