馮盈盈 、麥明詩、麥美恩 、劉穎鏇、陸浩明(6號)等昨晚出席「big big channel 後生仔 KOL 簽約儀式」暨「big big college 開學典禮」,其中馮盈盈近日喺節目《#後生仔傾下偈》一貫地言論出位,竟取笑嘉賓係處男!另外麥明詩就自爆曾經拍過三次拖,不過就被質疑次數太少。呢兩位近兩屆港姐冠軍都形象貼地、真性情,同過往啲冠軍真係好唔同!
馮盈盈 :「原來係處…」
馮盈盈 同十優港姐麥明詩夾埋6號主持新節目《#後生仔傾下偈》,內容主要請啲90後KOL去吹水,分討下現今的貼地議題。殊不知開播第一集, 馮盈盈 就黎料,佢一貫真性情港女性格,聽到嘉賓Danny冇拍過拖之後,就情不自禁講咗句:「原來係處…」,搞到Danny鬼咁尷尬,多得6號幫佢兜返:「佢係將感情處理得好好啫!」先落到台。
馮盈盈 談處女尷尬死
日前馮盈盈出席活動,對於因取笑嘉賓而捱批,佢就話自己都係搞吓氣氛,呢啲話題大學生O camp都會講,唔係咩露骨事情,大家年輕人開開心心傾吓偈啫。但當記者問到盈盈「有冇人問你係咪處女?」,佢竟然話:「冇人問過,唔知點答,好尷尬啊,哈哈!」港姐呀,知道呢啲問題咁odd,就唔好喺節目問啦!