的哥邊揸車邊睇節目 市民心驚：架車飄下飄下

【on.cc東網專訊】的士司機扣分制似乎勢在必行，未知駕駛時「邊揸車邊睇節目」又要扣多少分呢？有讀者今午與太太乘搭的士時，感覺到車輛「飄下飄下」，赫然發現司機竟然一邊駕駛，一邊以平板電腦「睇節目」，讀者見狀即勸喻司機專心駕駛，不過司機實行「你有你講，我有我睇」，一於少理，搞到讀者與太太「心驚驚」咁度過全程車。

讀者JOE向東網表示，今日下午3時與太太乘搭的士，由九龍灣MEGA BOX出發至將軍澳，片段中可以見到司機不停左顧右盼，邊揸車邊睇節目，認真「牙煙」！JOE又指，見到架車「飄下飄下」，覺得「唔對路」，故曾經兩度出聲叫司機「專心睇路」，但司機就當聽唔到，繼續一心二用，所以就拍下影片，希望各的士大佬引以為鑑。