54歲李綺虹返港造型貫徹樸素風格 素顏被批老態盡顯直認：確實老了
有「最美郭襄」之稱嘅李綺虹於1994年參選香港小姐，以季軍及最受傳媒歡迎獎姿態簽約TVB，曾與黎明、古天樂合作《阿Sir早晨》、拍攝1995年版《神鵰俠侶》、《絕代商驕》等劇集，直至2004年與外籍丈夫結婚定居加拿大。日前，李綺虹與老公、囝囝一家人返香港，並於社交平台分享照片，其造型樸素淡雅。
李綺虹先後PO出今次回港嘅照片，從照片中看到，李綺虹束起頭髮，戴上玳瑁色眼鏡，黑衣服搭配泥黃色披肩與家人、好友到高級酒店食飯，貫徹過往樸素風格。及後又分享與囝囝到髮型屋整頭跟髮型師嘅合照，寫道：「Thanks for making us look HK worthy.（多謝你令我們看起來配得上香港。）」
其實，李綺虹一向崇尚自然，曾大方分享大頭素顏照，無懼臉上雀斑、紅疹、頸紋等瑕疵呈現於人前，雖然被批評樣貌出現老態，但佢就直認臉部發紅和紅疹問題係更年期引起，又指自己真係老咗：「很多評論都說我老了，確實老了，時間過得真快啊。」李綺虹又試過素顏接受李婉華YouTube節目訪問，自爆平日好少於扮靚方面花費，平日返工踏單車、陪兒子踢波都因懶惰而唔搽防曬及皮膚護理，又指自己唔怕用真面目示人都係因為懶得化妝，自己亦可以著睡衣去街：「我可以穿著睡衣出街，連老公都鬧我」。
