日本電視節目介紹廣東話粗口 佛山爆粗貞姨紅到出國自稱「唔識講粗口」
廣東話博大精深，粗口更加係易學難精。日本綜藝節目《月曜夜未央》星期一播出嘅一集，拍攝廣州有趣人事物，其中一樣介紹嘅就係廣東話粗口！
節目提到廣東話特色時，特別去到佛山一間甜品店拍攝，因為老闆娘貞姨2年前喺受訪片段中流利爆粗嘅片段，令佢成為網路紅人，連日本嘅攝製隊都去拍佢！不過節目中貞姨否認成日爆粗，「咩粗口呀，我唔識講粗口」。唔止貞姨，連佢嘅客人講粗口都好流利，而且話「呢啲係土話」。現場仲有年輕人專程幫襯，係為咗聽貞姨「表演」，仲拍埋片！（關於貞姨傳送片）
節目仲介紹埋廣東粗口五大常用字，話廣東人會講嘢加入粗口字，加強語氣….似乎唔多準確噃。
向來日本人俾人禮貌周周嘅感覺，但係主持人松子都話好希望日本都可以咁廣泛使用粗口，因為好有型！
