《閃電傳真機》主持人吳晶晶同老公慶祝結婚30周年 網民大讚 : 晶晶姐姐好靚！
90年代初嘅兒童節目《閃電傳真機》有過唔少主持人，其中一位親切可人嘅晶晶姐姐吳晶晶後來退隱幕前相夫教子，鮮有露面。
吳晶晶老公都有玩社交媒體，早前佢就post出同晶晶姐姐慶祝結婚30周年嘅相片。唔少網友一睇就認得吳晶晶，大讚晶晶姐姐keep得好。的確晶晶姐姐比起2021年現身TVB節目《童你一起長大了》時清減得多。
可能兩個仔都大個，晶晶姐姐老公不時post出兩公婆去旅行嘅照片，相當享受人生現時階段。吳晶晶同圈中人仲有聯絡，仲會不時同陳煒、舊拍檔黃智賢等人食飯見面。
廣告
吳晶晶同《閃電傳真機》另一主持人黃寶君（Polly）離開兒童節目之後就退出幕前，各自發展人生路向，但仍然十分老友。1996年TVB暫停兒歌節目後，吳晶晶轉行成為空中小姐，後來結婚組織家庭。晶晶姐姐喺《童你一起長大了》入面提到，人生規劃比較傳統，就係想小朋友快樂。
黃寶君姐姐後來投考紀律部隊，不過係邊個部門就眾說紛紜，有網友話係警隊，仲話有朋友同佢同期喺學堂畢業；亦有資料指出Polly曾經加入懲教署。Polly喺屯門開寵物店，自己做埋美容師為毛孩扮靚，更會親身拯救流浪貓狗。
