英超 ｜利物浦再出紐尼斯 額外付500萬歐元賓菲加 紅軍會點做？

利物浦已經袋咗大半個英超冠軍落袋，但原來其他球隊，亦好緊張紅軍未來幾場的安排。

有葡萄牙媒體報道指，賓菲加擔心紐尼斯（Darwin Nunez）近期上陣次數減少，而錯失轉會條款中的一筆額外收入。

烏拉圭前鋒紐尼斯於2023年夏天由賓菲加加盟紅軍，當時以球會歷來最高轉會費完成交易，轉會費初始金額為7,500萬歐元（約合6,400萬英鎊），另附加2,500萬歐元的條款。

雖然雙方從未對外公開附加條款的具體細節，但自交易以來已有多項傳聞流出。

最新一期葡萄牙《A Bola》報道指出，若紐尼斯未能再正選出場，賓菲加將無法收到最後一筆500萬歐元的條款金。

據報，協議內容為：當紐尼斯在英超及歐聯累積正選達10場時，賓菲加可獲500萬歐元；達35場再收500萬；若達到60場，則可再得500萬。

目前紐尼斯在兩項賽事合共累積正選上陣59場，而自2月初英超主場擊敗修咸頓並取得入球後，他只曾再次正選一次。

利物浦目前只需於最後五輪賽事中再取三分，便可正式鎖定英超冠軍，而紐尼斯亦有望因此獲得一枚英超冠軍獎牌。

換轉你係紅軍管理層，會唔會再出紐尼斯做正選？