唔服李佳芯封后玩封殺？ 胡定欣當笑話：都冇份投票！

【東方日報專訊】去年榮登視后的胡定欣，在早前舉行的《星和無綫電視大獎2017》中雖然氣勢大好，卻被李佳芯（Ali）爆冷奪視后，有傳定欣對賽果不服，向一眾好姊妹發起在台慶頒獎禮投票給宣萱，「封殺」Ali，昨晚定欣全盤否認！

胡定欣昨晚出席Michael Kors旗艦店開幕，同場還有古天樂、任達華與琦琦、王敏德與馬詩慧、溫碧霞、袁澧林等現身。胡定欣穿上低胸連身閃閃裙，表示年底有多個頒獎禮為揀衫而頭痛，趁未開劇要揀定台慶衫。

「冇件咁嘅事」

對於有傳她不服李佳芯於新加坡舉行的《星和無綫電視大獎2017》中爆冷奪視后，定欣說：「唔會，冇呢件事，對Ali有信心，替佢高興，佢係好演員，獎項係鼓勵，公司需要多演員，每個人都等機會，我係過來人，最重要係之後，必須努力。」

定欣表示不會被Ali誤會，亦否認叫「胡說八道」姊妹投票給宣萱，不想Ali奪台慶視后：「我哋都冇份投票，當笑話。（睇好Ali？）好多朋友都有份，當去派對，今年有《同盟》嘅鮑起靜同宣萱獲提名視后，會支持鮑姐！」問到她自己有沒有信心？她說：「心情輕鬆，希望《同盟》有好成績。」

另方面，Ali前晚以白色大露背長裙在馬場出席浪琴表賽馬夜「浪琴表錦標賽」，甚為吸睛。

「攞獎戥我高興」

貴為「視后」之後，她指很多工作是之前已接下，未有特別增多：「都希望承大家貴言，愈來愈多工作機會！」對於有指胡定欣「封殺」她，Ali說不信定欣會有此行徑：「喺新加坡攞獎當晚，連我都唔相信自己攞獎，佢都有恭喜我攞獎，我信佢係真係戥我高興。（有信心再下一城？嗰晚會投畀自己定其他人？）我會投畀宣萱或者阿田（田蕊妮），對於香港嘅獎項自己冇信心，唔會投畀自己。」