藝人余香凝（Jennifer）2020年與圈外富貴老公Tim結婚後育有女兒Clare，昨日宣布細仔出世，湊成「好」字，並大爆老公抱B時情緒大爆發。

Jennifer分享一家四口手疊手的「全家福」，並分享生產過程：「好開心，成個過程好順利、好輕鬆，第二胎自己冇咁緊張，所以做手術嗰陣，我同先生、兩位醫生都一路傾偈，咁就迎接咗我BB出世喇！同埋佢有7磅7，自己都估唔到。上胎我係谷到自己好肥、好肥，係食到自己嘔，今次順其自然，反而BB就好大，同埋佢好多頭髮，好意想不到。」