「撞樣兄弟」互當替身 袁偉豪薛世恒終於相認！
查看相片
【東方日報專訊】藝人袁偉豪、黃翠如、薛世恒昨日在旺角出席活動，出名撞樣的袁偉豪與薛世恒猶如孖生兄弟，就連翠如玩遊戲時，隔着布景摸手仔也猜錯薛世恒是袁偉豪，薛世恒出場時自嘲是替身「袁世恒」。袁偉豪受訪時笑說：「第一次一齊做嘢，終於相認，因為樣似，幾年前互相認識，邊個忙咪幫邊個做替身囉！」薛世恒笑指兩人冇乜點變：「證明我哋冇整過。」又自爆在街上被認錯是袁偉豪要求合照：「開頭影完相會講番自己唔係袁偉豪，後來唔會，好似好尷尬咁令人唔開心。」袁偉豪則叫對方做戲要做全套。網民指薛世恒還與周柏豪、吳卓羲及鍾鎮濤似樣，他笑說：「我唱K o架！最似都係袁偉豪，其實我個樣係咪百搭o架！」
活動上補祝生日的翠如指已切到第八個蛋糕，前日與陸永一家慶祝。講到袁偉豪與薛世恒，她笑說：「話佢哋係兩兄弟我真係會信，側面笑起上嚟真係好似樣！」
