58歲周慧敏慘成網路照妖鏡捕捉對象 網民狠批係「老公攝影風格」︰只捕捉醜的瞬間

堪稱「香港永遠玉女」嘅周慧敏，全盛時期嘅風采，用而家嘅說話形容的話，三個字 － 零死角。

雖然Vivian今年58歲，但舉手投足不時仲散發少女味，不過正所謂「有心人裝無心人」，近期有喺小紅書專門分享女星醜照黑圖嘅用戶，就post咗幾張周慧敏喺內地出席簽名會時嘅醜圖。相片估計係由現場拍攝片段擷取，而且專門揀Vivian擘大口同fans講嘢嘅畫面嚟cap，咁梗係同平日硬照mode有出入啦。

唔少網民都不值原post所為，批評佢缺德、「這是直男拍照嗎？好像我老公一樣，只捕捉到了醜的瞬間」、「故意黑人家」。同時有好奇網民難得見到周慧敏張開口嘅相，發問點解Vivian唔矯齒，有資深fans就話多年來Vivian都冇修整，反而更有真實感。