74歲李龍基細36年未婚妻王青霞每日獄中寫情書 改深圳結婚再申請來港居住

74歲李龍基細36年未婚妻王青霞（Chris Wong）去年涉逾期居留、使用虛假文書等6項控罪，被判入獄25個月，將會於今年7月7日出獄。日前，李龍基現身電台接受薛家燕主持嘅節目訪問，分享與獄中嘅Chris互相寫信傳情。

地點嘅分離並無阻礙二人之間嘅愛情，李龍基透露過去嘅農曆新年及情人節都有到獄中探望及寫信畀Chris，自己每隔個多星期就寫信畀對方，又曾於信上畫生日蛋糕祝賀對方生日；而Chris則會每日寫信畀佢，至今已經收咗共三百多封信。

李龍基透露由於Chris出獄後會直接遣返內地，因此決定改為喺深圳結婚，再由正途方式申請Chris來港居住。