《男神廚房》被指主持人選與節目不配 網民:搵Do姐主持根本就錯晒

熱度10票  瀏覽3次 時間:2021年11月03日 18:12

《男神廚房》被指主持人選與節目不配 網民:搵Do姐主持根本就錯晒

·2 分鐘文章
《男神廚房》截圖
《男神廚房》截圖

無綫綜藝節目《男神廚房》搵嚟鄭裕玲(嘟姐)、王菀之及何廣沛主持,組合頗有新鮮感,首集喺前日(1日)播出,參賽嘉賓有「早餐男神」張敬軒、「勇氣男神」張振朗、「怕醜男神」陳家樂,及湯洛雯表弟「最強基因男神」李子熙,佢哋需要進行三輪廚藝對決,並由主持、嘉賓及廚師點評廚藝,而較高分嗰三位,將會喺今晚節目中進行終極對決。

雖然節目以經典節目《美女廚房》作為藍本,主持、嘉賓及廚師都有到廚房與「男神」們進行交流,之後「男神」們亦逐一介紹佢哋嘅菜式,期間「男神」出盡法寶冧佢哋爭取分數,例如陳家樂喺菜式上加戒指告白及張敬軒即場唱《櫻花樹下》等等。不過網民們就似乎唔係好鍾意,認為主持人選與節目不配,搞到睇到好尷尬,紛紛留言表示不滿,例如「好似尷尷地 do姐冇下把位比佢窒,何廣好造作」、「班主持無個掂, 唔識搞笑, 咁正經, 同其他煮食節目有咩分別, 搞咁綜藝但好既主持嚴重缺乏」、「十分悶的節目.主持人和嘉賓冇交流,格格不入佈景黑麻麻,嘉賓又冇料又悶,成個節目好垃圾,十分失敗」、「搵Do姐主持根本就錯晒,呢類輕鬆節目,應該要不停地有笑點,搵麥美茵做主持最合適。」、「最錯揾DODO做主持」及「主持好唔Ok」。

《男神廚房》截圖
《男神廚房》截圖
《男神廚房》截圖
《男神廚房》截圖
《男神廚房》截圖
《男神廚房》截圖

頂:1 踩:2
對本文中的事件或人物打分:
當前平均分:-5 (2次打分)
對本篇資訊內容的質量打分:
當前平均分:-5 (2次打分)
上一篇 下一篇