劉佩玥「偷桃」反擊 洪永城High爆高潮眼

【東方日報專訊】洪永城於無綫台慶劇《降魔的》中客串演「猥瑣鬼」，短短一場戲都交足功課，伸脷舐劉佩玥面珠，劉佩玥則一手撥向「小洪」，令洪永城高潮反白眼High爆，非常好戲！劉佩玥事後被問到摸「小洪」的感受，她笑說：「唔記得，只記得佢做咗好多安全措施。」洪永城則笑談舐面，大讚「好味」！

觀眾對台慶劇《降魔的》反應不俗，前晚一集有洪永城（Tony）客串，帶來驚喜！Tony飾演神情猥瑣的「毒男」鬼，很喜歡劉佩玥（Moon）飾演的偶像「啤啤」，劇情講到Tony與Moon坐上馬國明駕駛之的士，Tony望住偶像情不自禁伸長條脷舐Moon的面珠，然後偷笑，擁有天眼的馬國明即話畀Moon知她身旁有鬼，嚇得Moon亂咁郁，無意中摸中Tony的下體，Tony即High到反白眼，非常惹笑！

硬食化妝粉

昨日劉佩玥接受電話訪問，她指該場戲拍攝時有真舐及假舐，問到洪永城是否好多口水，事後是否要抹好耐？她只笑說：「自己係專業嘅，盡力做好件事，為劇情都冇辦法！」至於是否真的摸中「小洪」？Moon表示唔記得：「淨係記得佢都做咗好多安全措拖！」而客串演出的Tony演技出位，非常搶Fo，他指該場舐劉佩玥面的戲，最有印象是化妝粉，他笑說：「好好味！」至於演「猥瑣鬼」入型入格，他幽自己一默笑說：「好多謝劇組發掘咗我呢方面嘅性格。」

文：影視組