孖湯寶如王馨平重現《美少女戰士》周慧敏封印水手服：三個加埋百幾歲！

【東方日報專訊】為紀念明年踏入樂壇三十年而舉行個唱的周慧敏，接受東網巨星節目《娛樂onShow》訪問，直言個唱會與湯寶如及王馨平合唱經典金曲《美女少戰士》，但不會以水手服「短裙仔」造型出現：「三個加埋都百幾歲！」

本月10日踏入50歲的周慧敏，將於明年1月在紅館舉行個唱，日前接受東網巨星節目《娛樂onShow》的主持陳振安訪問。她笑言睇住陳振安入行，皆因兩人曾先後做DJ，難怪陳振安叫對方做「師姐」！周慧敏於1985年參加新秀歌唱大賽，1988年才推出首張EP，對於個唱以三十周年作主題，她說：「係以推出首張EP、正式唱歌嚟計。批咗（個唱）係開心，但有幾個月思前想後係咪承擔到。」

放心古巨基把關

對於邀請好友古巨基擔任個唱總監，周慧敏力讚對方：「就算唔係總監，基仔都會照畀意見，佢識設計衫、講嘢又叻，所以好多範疇嘅重擔都可以分擔。佢要求好高，過到佢嗰關我都好放心！（意見有分歧點解決？）唔會隱瞞！有意見一定會講出嚟，但我唔會咁衝動Say Yes，因為平時係夜晚9點先開會，一開就到半夜1點，開到我成日好迷失，瞓完再諗清楚先回覆。」

想當年周慧敏、湯寶如與王馨平合唱的動畫主題曲《美少女戰士》，至今仍是網民狂Loop的經典，三人早前現身歌唱節目《流行經典50年》只唱《自作多情》，問到個唱中會否演繹《美》曲？周慧敏說：「其實喺《流》之前，我已經邀請佢哋出席個唱，一定會重現呢個經典！不過唔會係當年嘅造型，我哋三個加埋都百幾歲，唔好再着嗰啲裙仔！」另一個集體回憶當然是神劇《大時代》，至於「方展博」劉青雲會否現身？今次是否最後一個個唱？周慧敏在東網巨星節目《娛樂onShow》話晒你知！

文：專案組