林伯回歸送兩烏龍 車仔險勝打比郡晉級

夏薩特避戰英聯盃留力英超

雖然王牌夏薩特繼續缺陣，但車仔今仗仍派出韋利安、簡迪及莫拉達等主力應戰。開賽僅5分鐘沙柏哥斯達左路傳中，湯姆利解圍「撻Q」擺烏龍入網，車仔領先1︰0。

不過僅4分鐘後，打比郡前鋒積克馬利諾接應妙傳近門射入，扳平1︰1。可惜21分鐘沙柏哥斯達再次傳中，今次輪到另一守將基奧治解圍不成「擺老烏」，打比郡再次落後。

但打比郡未有放棄，6分鐘後前鋒馬田韋漢接應傳中近門射入，扳平2︰2。不過完半場前法比加斯近門抽入，車仔第3度領先完上半場。

換邊後車仔攻勢依然較多，但莫拉達錯失傳中門前入波良機，之後加利卡希爾頭槌攻門又被門將救出，最終車仔險勝3︰2完場，打入8強。(Goal.com)

更多Goal.com內容, 請按此