精靈可愛嘅童星Jacky仔（王樹熹），相信有睇開香港電視劇集嘅朋友一定認識佢。唔經唔覺原來佢長大成人啦！上年仲喺城大媒體與傳播系畢業，早兩日佢仲喺社交網站上載咗張機場離境大堂嘅相，宣布自己已取得5年簽證，前往日本工作，而佢亦打算於當地定居和發展，不過就唔係向演藝嘅道路發展。

22歲嘅Jacky仔，2003年只有4歲時參加港台節目《點蟲蟲 開開心心學飛》，正式開展其童星生涯，拍過接近五十齣電視劇，例如《皆大歡喜》、《翻新大少》及《爸爸閉翳》等等。之後，佢因升中要專注學業，所以停止一切幕前演出，直至前年嘅《她她她的少女時代》先驚喜現身，飾演曹永廉少年版。早兩日，佢喺社交網站留言：「2020年嘅挑戰，直到2021年先實現到...其實⋯我要搬去日本工作啦