奇洛李維斯（Keanu Reeves）主演「殺神」系列，打唔停超爽快嘅風格大受歡迎，因此「殺神」系列外傳、前傳甚至衍生劇，同套戲嘅動作場面一樣 － 多不勝數。「殺神」系列監製Basil Iwanyk近日宣傳前傳劇The Continental接受外媒Collider訪問時透露，奇洛李維斯竟然要求喺《殺神John Wick 4》賜死主人公John！

Iwanky表示因為《殺神》系列拍到第4集，集集都有大量動作戲，令好捱得又好敬業嘅奇哥身心俱疲，大叫吃不消，所以要求賜死角色唔駛再拍落去。 監製Iwanyk同導演Chad Stahelski尊重奇洛李維斯意見，特別拍多個版本：一個版本John Wick中槍重傷無明示生死，另一個版本John Wick一樣受重傷，不過片尾會見到佢生勾勾咁出返嚟。

經過內部市場調查，觀眾比較鐘情Open Ending未知生死版本，所以最後《殺神John Wick 4》無如奇洛李維斯所願，直接賜死John Wick，而係留返伏筆－繼續拍《殺神5》又得，唔拍又得。「殺神」系列咁賺錢，片廠又點會咁易收手，因此早早宣布會開拍第5集！

Iwanyk透露佢初步著手籌備《殺5》，不過最終結果要睇導演Chad Sthelski同男主角奇洛李維斯意向。John Wick故事去向全靠佢哋構思，後續發展相信主打為John Wick搵佢需要嘅內心平靜。創作需時，靈感幾時到又講唔埋，仲要而家大罷工，所以《殺5》未有具體開拍、上映計劃，不過可以肯定奇哥係會繼續做「殺神」！

《殺神5》未面世之前，可以睇住系列外傳劇集The Continental先。而由「邦女郎」Ana de Armas主演、奇洛李維斯客串嘅Bellerina則於下年6月上映，應該夠大家止住渴。

更多電影文章

電影LOL 今期睇咩戲︳威尼斯謀殺案／七月返歸／說笑之人／手靈／愛很自私／東京復仇者2血腥萬聖節篇-命運

電影LOL︳拍完5年 12月終上映 錢國偉遺作《熱血燃燒》齊集古惑仔4主角獨欠鄭伊健

電影LOL︳《水行俠》續集宣傳啟動 Elon Musk分享舊愛Amber Heard 私照幫手做勢？

電影LOL︳姜濤台灣宣傳《我的天堂城市》 姜糖逼爆西門町 獻螢幕初吻強調有漱口

電影LOL︳《復仇者聯盟6》導演人選3大熱門 有2個拍過Marvel作品 另一位同超級英雄片大纜扯唔埋？

電影LOL︳Nolan再被傳執導007新片 仲要連拍2部？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！