陳冠希舊愛Cammi玩你問我答認去韓國做醫美抗老 自爆同劉德華佘詩曼命格相同

陳冠希舊愛謝熙婷Cammi（前名謝芷蕙）近年都過著奢華生活，公屋出身嘅佢除咗搬入尖沙咀豪宅，更頻頻出入高級餐廳及酒店，仲不時周遊列國同大曬名牌手袋，高度炫富。除此之外，Cammi過往多次被指外貌變幻莫測，指佢五官再進化及P圖P得太過火，故成為話題人物。日前，Cammi就於IG發起「你問我答」，佢竟然承認去韓國做醫美抗老。

Cammi大方回答網民問題，例如被網民問到「韓國整容？」，佢就話：「整*了一下inner health和皮膚 還有抗老吧」及被問到喺韓國做咗咩醫美項目，佢就回答話：「還得看你自身條件需要做些什麼呢？我主打inner health和抗老，分開了幾天去，各種營養針、自體血液幹細胞drip、血液淨化、麗珠欄（蘭）+自體外必體+水光 還有Ultherapy和Softwave」。

另外，仲有網民問佢「信唔信風水」，佢就自己算係迷信，每年都會搵幾個師傅幫佢睇，而其中一個師傅就睇咗10年小批，話佢同佘詩曼及劉德華嘅命格144/144相同，當中有好多巧合嘅事情，仲教佢避開唔好嘅嘢；同時佢亦好期待好事嘅發生。