So Ching被網民發現IG自我簡介移除阿Mo社交帳號惹分手疑雲

舞者李啟言（阿Mo）自2022年MIRROR紅館演唱會發生嚴重意外，至今仍處於漫長嘅復康路上。其父李盛林牧師每周透過代禱信交代阿Mo嘅進展，努力學習操作電動輪椅嘅阿Mo，進步咗好多，漸漸控制到速度及節奏，而COLLAR前成員兼阿Mo女友蘇芷晴（So Ching）繼續俾like為男方打氣。

不過有網民發現So Ching IG嘅自我簡介，已經移除男友阿Mo嘅社交帳號，雖然阿Mo仍然喺其追蹤名單上，不過依然惹分手疑雲。另外，So Ching IG置頂三條與阿Mo跳舞嘅片段，而家只係得返一條，其餘兩個置頂位置已經換上前年到西班牙旅遊界照片和影片，及上年佢喺排舞室跳舞嘅片段。同時阿Mo亦移除咗前年聖誕節與So Ching放閃嘅短片。有網民認為二人如果真係分手，大家應該給予祝福；同時亦有網民認為係佢哋之間嘅事，希望畀佢哋低調處理。