周二晚於大球場上演的沙特超級盃，由葡萄牙球星基斯坦奴朗拿度領軍的艾納斯以 2:1 擊敗擁有法國球星賓斯馬在陣的伊蒂哈德，賽事共吸引逾 3 萬球迷入場觀戰，普遍球迷對 C 朗踢足近 90 分鐘兼在賽事中認真拚搏留下深刻印象。賽事接近完場發生了一小插曲，當 C 朗被換出場時，一名球迷企圖闖入球場希望跟偶像近距離拍照留念，可是 C 朗卻未有理會，最後該球迷更被保安帶走兼被大球場 Blacklist，敗興而回的小粉絲於社交平台直斥 C 朗為偽君子，後悔課金 ＄2999 入場觀戰。

圖 / ig@cristiano

根據現場影片，球迷眼見 C 朗被換出場正準備行往後備席時，球迷以高速奔向偶像，雖然艾納斯的教練 Jorge Jesus 企圖阻止並已示意他離開，但這青年球迷未有理會，更試圖走近 C 朗，結果被保安當場逮住帶走。

影片截圖

該球迷在社交平台表示：「跑過去既時候無諗好多野，淨係覺得 C 朗點都好過美斯,，就算唔簽名都會同我影張相，佢係我心目中一路以黎都係 goat，因為佢勤力自律有錢靚仔，但估唔到佢眼尾都唔望吓我！香港大球場果邊仲登記左我身份，永久禁止進場！我好後悔！後悔比（俾）2999 去睇佢，更加後悔我咁撐一個偽君子！」球迷出 post 後留言幾乎一面倒負評及恥笑該球迷的行為，有網民表示「買飛入場多數都唔係實名制，唔明白佢哋點樣可以永久禁止你再入場」、亦有不少人覺得球迷輸打贏要、行為幼稚。

C 朗魅力除了令球迷因愛成恨之外，贏波後心晴大好的 C 朗更於完場後將球衣除下拋向觀眾席贈送予支持者，得到球衣的幸運兒亦將「戰利品」上載社交平台炫耀一番，豈料有球迷表示球衣原先是自己的女性友人率先拿到，結果被同圍的人一擁而上強搶失去，導致友人眼鏡也被打掉。

網上截圖