港姐2025｜朱綽盈宣布退選「不需要后冠認可」 大律師學霸本來係大熱

近年港姐不時出現退選潮，唔少靚女喺初選驚鴻一瞥之後就話唔玩，今年都唔例外。早前喺初選中被傳媒視為港姐大熱門嘅朱綽盈，喺社交平台正式宣布退選。

港大法律系畢業的朱綽盈，曾參加2021年港姐但落選，於2023年參加內地職業真人騷《令人心動的offer》第五季，以一口流利英語成功一炮而紅。去年9月朱綽盈更正式成為大律師，現時喺在北京大學攻讀碩士學位，並且做埋自媒體，分享日常學習生活，於小紅書擁有近50萬粉絲。朱綽盈今次強勢回歸，仲搵到黃曉明擔任提名人，加上取得大律師資格，本來極有優勢。不過入圍後要同TVB簽約，可能都係考慮因素之一。