藝人劉穎鏇（Tiffany）被無綫派出以三點式上陣，迎戰ViuTV轉播世界盃相關賽事，力搶收視！兩台同場「波光劍影」，Tiffany力撐主演劇集討論熱度高，比起足球猛將更吸睛。

四年一度的體壇盛事世界盃前晚揭開序幕，今屆由ViuTV獲得賽事轉播權，昨晚上演英格蘭對伊朗的賽事。無綫方面在同時段派出近日獲無綫監製文偉鴻封為「最強Body」的Tiffany應戰，安排她在台慶劇《超能使者》以三點式上陣，並大擺深田恭子式誘人甫士，出招搶收視。

雖然兩台暫未公布收視，未知鹿死誰手，不過參考2018年世界盃大戰的數據，ViuTV當年播放3場英格蘭賽事，分組賽英格蘭對戰巴拿馬平均收視有17點，而英格蘭8強硬撼瑞典的最高收視更達21點，根據以上資料，上周最高收視為20.9點的《超》劇似乎面臨強攻！

撐主演劇贏討論度

被欽點「上陣抗敵」的Tiffany固然有壓力，她昨日受訪時表示：「我就冇睇世界盃嘅，一定支持《超》劇。雖然收視嘅嘢我唔係好清楚，但講討論同熱度應該係我哋比較爆啲，而且呢集真係好多嘢睇，位位主角都演技大爆發，希望觀眾支持我哋啦！」

另外，世界盃開鑼當晚，本身是波牛的余德丞「轉會」坐上ViuTV主持席，不過就「出師不利」，當時開幕儀式正在播放98年法國世界盃《La Copa De La Vida（The Cup of Life）聖盃之光》，他竟誤將主唱Ricky Martin講錯為Robbie Williams，他當刻未有為意，至播出第2首歌曲才急急修正：「糾正番，頭先講錯咗，唔係Robbie Williams，而係Ricky Martin至啱，嗰首大家最耳熟能詳嘅世界盃主題曲。」而他昨日開咪主持電台節目亦有談及出錯一事，及後他亦回覆記者：「我都即場糾正咗，其實好小事啫，唔再特別回應喇，多謝大家。」