金像獎2025｜ 網民討論金像獎影后誰屬 鍾雪瑩、談善言各有人撐 衛詩雅大公司有優勢？

香港電影金像獎頒獎禮舉行在即，星期日就會公布結果。近日在社交媒體，都有不少網民討論誰會得獎，其中焦點之一，就是影后獎座。

今日在Threads有網民指出，網絡上普遍都在爭論是鍾雪瑩還是談善言得獎，衛詩雅就似乎討論度不高。該post寫道：「個個都話影后係談善言和鍾雪瑩之爭，我就覺得最後都係頒俾衛詩雅，睇咁多年金像獎仲唔知佢脾性，英皇有大片就幾乎霸晒啲大獎，希望今次我講錯。利申：支持鍾說。」

至於留言之中，就各有支持者。不過就有人指出，雖然文中提及大公司對得獎有優勢，但主席爾冬陞已經盡量擴大選民基礎：「爾生已經盡力擴大選民基礎，今年加多3個幕後工會之後，女主提名已經爆咗冷。姑且咪睇吓有冇變數。」