60歲郭晉安被網民捕獲濃密頭髮成焦點 與23歲莊子璇拍劇結緣寵愛有加

現年60歲嘅郭晉安，與歐倩怡於去年5月宣布結束18年婚姻，重回單身市場。近日有網民喺小紅書上載與郭晉安嘅合照，相片中嘅郭晉安狀態回春依舊帥氣，獲得唔少網民大讚。

近日郭晉安喺火鍋店被網民捕獲，該網民更將合照上載到小紅書，相片中嘅佢著上樸素T-shirt及牛仔褲，狀態極佳，睇落一啲都唔似已經「登六」，而佢嘅髮量更加成為網民嘅焦點，紛紛留言大讚佢頭髮濃密、離婚後狀態更佳等等。

另一邊廂，現年23歲嘅莊子璇上年參與首部劇集《金式森林》拍攝，與郭晉安、龔慈恩、何廣沛、陳浚霆及羅天宇等人合作，喺劇中飾演安仔囡囡。郭晉安對首次拍劇嘅莊子璇寵愛有加，除咗演戲上合作無間，仲為莊子璇慶生兼親自教佢打網球。