陳敏兒術後露面 與林漪娸等好友團拜 去年透露自己患慢性疾病

已故資深演員廖啟智太太陳敏兒早年與劉德華合演《獵鷹》一劇名聲大噪，成為當紅花旦之一。近日，陳敏兒藉農曆新年與好友林漪娸、廖安麗、麥麗紅及賈思樂聚會，林漪娸於社交平台分享團年合照並感性留言：「相識40多年，這種友情不能用言語去表達！Love you all !!」從照片中看到，陳敏兒披上厚外套與圍巾，笑容溫婉，一頭白髮卻襯托出雋永氣質。

陳敏兒當年與廖啟智結婚並誕下大仔廖文哲後就淡出幕前，專心相夫教子，過著低調而平實嘅生活。然而，命運對她並不寬容，30多年前爸爸離世，接著孻仔廖文諾喺2006年因血癌離世，以及2021年老公廖啟智因胃癌離世，三度痛失摯親。去年10月，陳敏兒透露自己患上慢性病，身體狀況一度急轉直下。兩年前，甚至舉辦「生前告別式」，希望趁清醒時親口向摯愛親朋道別。去年7月，陳敏兒緊急入院喺中大醫學院接受手術。手術前，陳敏兒坦言曾向兩名兒子傾吐心聲，唔想留下任何遺憾；透露當時心境出奇平靜，覺得死亡並不可怕，只係生命另一個階段。而喺入手術室前，陳敏兒祈禱自己懷著開放嘅心去接受無論任何結果，相信一切有最好嘅安排。幸而手術成功，當佢喺病床醒來見到兒子微笑時，第一句話就表示：「啊！我冇死到！」續指覺得係上天畀佢繼續活下去嘅機會，亦提醒佢要好好照顧自己。經歷重病後，縱然陳敏兒身形變得消瘦，但神情間多咗份從容與平和，指自己戒糖後變瘦，係幸福瘦嘅一種。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！