近日網上流傳一條片段，兩名男士在牛頭角街頭大聲爭執、推撞，相信二人分別是一間茶餐廳的老闆和店員。拍片者旁述指，「係咁打個伙記呀」，片段引來網民一片罵聲，更稱要替店員報警抱不平。東網記者實地查探事件真相，涉事茶餐廳位於牛頭角定安街，昨日（29日）下午人流頗多，被推撞的員工負責樓面工作，老闆亦在樓面和廚房兩邊走，忙得不可開交。二人似乎並無「面左左」。
老闆最初不欲多談事件，惟經記者多番詢問下，他終透露，原來店員有輕度智力問題，「佢係好容易情緒波動嘅人，例如倒瀉嘢咁簡單，佢對自己要求高，會好忟自己，就會開始激動。」而事發當日，店員因事拍枱拍門 ，連自動門都損壞，老闆只好大聲喝止，隨後更出現了片段中的一幕。老闆坦言店員是他的親戚，已於餐廳內工作9年，「好幫得手」，並表示：「冇計，佢跳掣我又燥底，我都知唔應該出手。」
有常幫襯該茶餐廳的街坊亦指，熟客都了解情況，「其實冇網民講到咁差，平時有講有笑，係間唔中會嗌下交，但大家都理解，反而老闆肯請佢係好事，俾機會佢自食其力。」其實，一段短片帶出的訊息未必是事件的全貌，背後的故事，你又會嘗試多了解一些嗎？
網民有話說
Ceci Leung：「唔滿意咪炒佢囉，打佢做乜？」
Kiwe Lui：「有無人報警？」
Chung Lee：「以我所知，個外賣仔有自閉同輕度弱智，係個老細親戚。」
