ViuTV大型選秀節目《全民造星III》掀起全城熱話，第二回合AB組2:2平手, 噚晚嗰集要進行「終極生死戰」定輸贏，輸咗嗰組要再淘汰6人。林二汶帶領嘅A組表演《還不夠遠》，而彭秀慧帶領B組表演《I Do Care About Us》，最後A組以1:4落敗，唔少網民都戥佢哋唔抵，紛紛到討論區及ViuTV社交網站留言表達對賽果嘅不滿。

二汶安排A組唱《還不夠遠》係想佢哋了解首歌嘅精神同埋態度，希望佢哋喺比賽內外都要繼續行落去。A組表演散發出對演藝嘅熱誠、雙眼綻放出對比賽嘅真誠，搞到成個錄影廠及屋企嘅觀眾都感受到佢哋嘅熱血，相信呢個表演足以令佢哋回味一生，可惜到最後A組輸咗再淘汰6人（小新、旨呈、Alan仔、JD、Sing Sing及Travis），場面傷感。

唔少網民到ViuTV Facebook專頁俾嬲嬲兼留言支持A組並質疑比賽造馬，例如：「真心睇到嬲嬲哋 唔明點解A組輸 造馬造到咁」、「其實根本冇可能team A 會輸，造馬造得太明顯吧」、「從來都是不公平，為節目效果和話題，就犧牲Team A。」、「A3完全無可能輸，造馬！B組兩次回合都贏，我唔覺佢地真係咁強囉...完全唔服眾！」、「睇片頭都知造馬，但5藍，洗唔洗咁呀，5紅就差唔多，抹煞哂A組努力，垃圾到。」、「又係咁，為咗有終極戰要A組輸，即係迫我熄電視。」、「其實A組已經win咗，縱然輸咗比賽，但贏咗人氣同觀眾緣，日後會走得更遠」及「比賽造星都係想吸引多D觀眾，明明觀眾比較喜歡A組，但次次都B組贏，咁10:30睇大台新劇好過...完」等等。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！