財政預算案2025｜2元乘車被削、公務員凍薪照「跳point」 長者不滿：由治及興仲要咁多議員？｜Yahoo
【財政預算案2025｜Yahoo 新聞報道】2025/26 年度《財政預算案》昨日（26日）出爐，提及公務員將會凍薪，惟被外界質疑未有減薪與市民共渡時艱。財政司司長陳茂波今早（27日）出席電台聯播節目，繼續回應有關預算案的一系列問題。有聽眾致電表達不滿，指政府就 2 元乘車優惠計劃設限，而公務員即使凍薪，他們仍可以「跳 point」：「點解我要付出多啲，但公務員又唔係共渡時艱？你哋止蝕，我哋就要蝕，我哋就要俾多少少。同埋啲議員呀，因為而家都已經由治及興啦，係咪？其實係咪仲需要咁多個呢？嗰條數係好大。」
63 歲的林先生表示，對於政府調整 2 元乘車優惠計劃，他認為「65 歲以上唔應該搞佢，我 63 歲覺得可以接受，可以微調」。不過，他認為政府縮減市民優惠，公務員則維持凍薪，但他們仍然可以「跳 point」，反問：「喺我立場嚟睇，點解我要付出多啲，但公務員又唔係共渡時艱？」他並形容：「你哋止蝕，我哋就要蝕」，又質疑現在已「由治及興」，是否需要有大量議員。
聽眾憂 NGO 跟隨凍薪 致消費力、薪俸稅減
另一聽眾陳小姐則表達其憂慮，指坊間很多非政府機構、半官方機構或私人機構，都會跟隨政府步伐，而她任職的 NGO 都會跟隨政府加薪或減薪。她擔心若其機構跟隨政府凍薪，將會影響生計，「如果機構凍薪，我哋可能減少消費能力，可能影響政府薪俸稅收入」。她質疑在這樣的情況下，「對於政府改善財赤嗰盤數，其實有咩幫助到呢？政府會唔會呼籲私人機構、半官方機構，唔好跟隨政府凍薪？」
陳茂波回應表示，考慮到過去兩年經濟增長，未來數年經濟都會增長，私人市場都有「加人工」，在配合強化財政整合計劃下，認為凍薪比較合適。被問會否考慮按工作表現決定薪酬，陳說公務員有增薪點，但每年都要評核，都會考慮其工作表現決定是否增薪。對於坊間機構或跟隨政府凍薪，陳茂波則未作出呼籲。
陸路離境稅影響大 陳茂波：可免則免
另外，《財政預算案》提出增加飛機乘客離境稅至 200 元，預計每年可增加約 16 億元收入。不少致電的市民都認為，若為了開源，政府應徵收陸路離境稅。聽眾黃先生形容，現在「成千上萬嘅人上大陸消費，點解唔喺度做功夫？」
另一名林先生建議，可每人徵收 10 至 20 元，相信會增加庫房收入，有很大幫助。另一名聽眾陳先生亦說：「陸路離境團唔會比去東南亞團平，你畀佢哋免費上去，唔係用者自付，但會玩死好多商家。」
陳茂波回應稱，開源有幾個原則，包括盡可能用者自付，另外盡可能收窄對一般市民的影響，指如果增設陸路離境稅，影響一般市民較多，「可免則免」。陳形容：「機場收取費用，畢竟坐飛機、去旅行嘅朋友，增加幾十蚊，相對機票都係可負擔。」他亦說，陸路離境有不同關口，不同交通工具，例如巴士、旅遊巴等，而每日過境的包括上學、上班的人，重申政府目前以盡量減少影響一般市民作為考慮。
其後，節目主持人羅輝問：「司長，你會唔會覺得，人人負少少責任，但你就得罪晒所有人？」陳茂波並無回應，僅報以「哈哈」笑聲。
