41歲徐菁遙短褲貴婦look現身巴塞爾展 同老公黃浩一齊晒腿
41歲嘅前港姐徐菁遙（前名徐淑敏）於2009年與年長12歲的富商黃浩結婚，二人四年抱三，育有三女，分別為大女黃心瑤（Vianna）、次女黃心柔（Renee）及幼女黃心誼（Isabella）。徐菁遙婚後淡出幕前專心相夫教女，成為幸福少奶奶；亦甚少於公眾場合出現，僅間中與圈內好友聚會。
近日於香港展開嘅巴塞爾藝術展上，有網民拍得黃浩徐菁遙夫婦現身觀展，並且同在場朋友傾偈。徐菁遙以背心短褲加名牌貴婦外套look示人，雖然已經係三女之母但係美腿依然煞食，顏值同當年做緊幕前嗰陣不相伯仲。黃浩就以全黑短褲look現身，佬味澎湃。唔少網民都盛讚Suki仍然咁靚，「一看就是甜美又好命的」。
廣告
年初有報道指，Suki老公黃浩會牽頭在美國、香港及新加坡成立電影基金，預計總投資額逾一億美元（近8億港元）。後來更傳出離巢TVB嘅視后李佳芯Ali獲黃浩賞識，一次過簽下三部電影合約。黃浩回應傳媒查詢時確認跟李佳芯合作，並透露是太太Suki引薦下成事，而他之前亦看過Ali在無綫演出的劇集，認為她演技很好，所以雙方進行協商。
